பொய்யா மெய்யா....

இளங்காலை தென்றல் காற்று
நண்பகல் அனல் ஞாயிறு
அந்திநேர பகலடையும் கடற்கரை

முன்னிரவு பவுர்ணமி நிலவு
பின்னரவு அமாவாசை படுக்கையறை
விடியற்காலை வாசமீசும் மல்லி

அத்தனை மாறும் நிலையிலும்
மாறா என்னரகில் நீயோ
இவையனைத்தும் உன் நிலைகள்தானோ

பொய்சொல்ல புலவனல்ல ஞான்
மெய்யுரைய நீதிமானுமல்ல நான்
நின்முன் மெய்மறந்த அடியேன்...

-எஸ் வி

எதிர்பாரா அழைப்பு

நாம் பிரிந்த பல நாட்களுக்கு பிறகு 

வான்திரையில் முகிலெழுதுக்களால் 

நீ எழுதிய என் பெயர் 

கவனிக்காத சிறு பொழுதில் 

சுவடின்றி மறைவது போல 

வளியோடு கரைந்து விட்டு 

வலியோடு உறைந்திருந்த 

ஒரு முன்னிரவு பொழுதில் 

கடலடைந்த நீரின் மறுதலையாய்   

நீ என்னை தொடர்பு கொண்ட போதும் 

உனக்கு தேவையானதை 

என்னிடம் கேட்டு 

தெரிந்து கொண்ட போதும் 

நன்றி என கூறி 

தொடர்பை துண்டித்த போதும் 

என் குரலில் ஏற்பட்ட 

சிறு நடுக்கத்தை 

நீ அறிந்திருக்க வாய்ப்பில்லை